Хидматрасонии навигатори гугл бидуни интернет низ фаъол мешавад

Аз 23-юми апрел хидматрасонии навигатори ширкати “Google” бидуни интернет низ қобили истифода хоҳад буд.

Ширкат ба истифодабарандагони худ иҷозат дод, ки бидуни Интернет аз хизматрасонии “харитаҳои бузургҷусса” “ Navigation” ҳангоми рондани мошин дар роҳҳо истифода кунанд.

Ширкати  “Google” ин иқдомро пас зиёд шудани корбарон ва дархости онҳо роҳандозӣ кардааст. Иқдоми мазкур хеле сода ва осон ба  роҳ монда шудааст:

1.Касоне, ки мехоҳанд аз ин хидматрасонӣ истифода кунанд, бояд пеш аз сафар аз хона ё ҷои дигар ба Интернет пайваст шаванд

2.Корбарон бояд масири сафари худро аз оғоз то анҷом дар “Харитаи Google” (Google Maps) муайян кунанд.

3.Истифодабарандагонро зарур аст, ки қабл аз сафар ин намуди хидматрасонӣ (Start Navigation)- ро фаъол созанд.

Истифодабарандагон метавонанд бо тай кардани ин се марҳила ба осонӣ аз хидматрасонӣ Харитаи Google ва навигатори он бидуни Интернет истифода кунанд. Танҳо, аз хотирашон набароранд, ки қабл аз сафар бояд бо Интернет пайваст шаванд.

Copyright © 2015 TojNews

Назарҳо

Дар точикистон мешава истифода куни хамин навигацияра?

Шояд шумо суол ё назаре доред?