Баррасиҳои ҳамкориҳои амниятии Тоҷикистон ва Қазоқистон

Президент Эмомалӣ Раҳмон бо Карим Масимов, раиси Кумитаи амнияти миллии Ҷумҳурии Қазоқистон дар Қасри миллат мулоқот намуд.

Бино ба иттилои дафтари матбуоти Президент, дар мулоқот вазъ ва дурнамои ҳамкории байнидавлатӣ ва байни ниҳодҳои амниятӣ баррасӣ шуд.

Ҷонибҳо ба таври муфассал доир ба иштироки муштарак дар таъмини амнияту субот дар қаламрави Тоҷикистону Қазоқистон ва минтақа, инчунин тақвияти иқтидору имкониятҳои нерӯҳои марзбонӣ табодули афкор намуданд.

Доир ба ҳамдастии муштарак дар мубориза бар зидди терроризму экстремизми байналмилалӣ, пешгирии ҷиноятҳои муташаккили фаромиллӣ, гардиши ғайриқонунии маводи мухаддир ва муқовимати густурда ба муқобили гурӯҳои муташаккили ҷиноӣ фикру мулоҳизаҳои судманд баён шуда зарурати таҳкими равобити дуҷониба барои таъмини сартосарии амнияти миллӣ ва густариши ҳамкории байни хадамотҳои махсуси амниятии Тоҷикистон ва Қазоқистон таъкид гардид.

 

Шояд шумо суол ё назаре доред?