Бо назардошти дар таҳрири нав қабул гардидани Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» санаи 5-уми октябр- «Рӯзи забони давлатӣ» муайян гардид. Чаро Рӯзи забони давлатӣ аз 22-уми июл ба 5-уми октябр- рӯзи таваллуди президент Эмомалӣ Раҳмон гузаронида шуд? Оё аз иваз кардани санаи таҷлил вазъи хароби забони давлатӣ дар Тоҷикистон беҳтар мешавад? Шарҳи бештари мавзӯъ аз узви Кумитаи байналмиллалии Маҷлиси намояндагони Маҷлиси Олии Ҷумҳурии Тоҷикистон.

Бо қарори Шӯрои уламои исломии Тоҷикистон чоршанбеи 11-уми август оғози моҳи Рамазони имсола муайян гардид. Ин ҳам дар ҳолест, тақрибан ҳар сол дар кишвар дар мавриди оғози моҳи Рамазон миёни Шӯрои уламои исломии кишвар, ки як созмони ҷамъиятии наздик ба ҳукумат ба шумор меравад ва Ҳизби наҳзати исломии Тоҷикистон баҳсҳо сурат мегиранд. Чун натиҷа қисме аз мусулмонони кишвар, аз нигоҳи тарафи муқобил як рӯз пеш ё як рӯз қафо рӯза мегиранд.

Дар назар аст, ки имрӯз додгоҳ масъалаи боздошти Файзуллоҳ Бобохонов, додситони собиқи ноҳияи Ҳисор ва фарзанди додситони собиқи Тоҷикистон Бобоҷон Бобохоновро ҳал кунад.  Файзуллоҳ Бобохонов, додситони собиқи ноҳияи Ҳисор ва фарзанди додситони собиқи Тоҷикистон Бобоҷон Бобохонов бо иттиҳоми ришвагирӣ ва берун рафтан аз ҳадди ваколати хидматӣ боздошт шудааст.

Маблағи умумии қарзи берунаи ҷумҳурӣ то якуми июли соли равон 1 миллиарду 775 $-ро ташкил дод, ки 31, 58 дар сади Маҷмӯи Маҳсулоти Дохилӣ (ММД)-ро ташкил медиҳад. Хизматрасонӣ ва пардохти қарзи берунаи Тоҷикистон дар давраи ҳисоботӣ,  беш аз 28 млн. $, аз ҷумла аз ҳисоби пардохти карзи асосӣ наздики 17 млн. $ ва фоизи пардохт 11,88 млн. $-ро ташкил додааст.

Бо шурӯъ аз гармии боду ҳаво то ба имрӯз 40 нафар одамон дар наҳру дарёҳои Ҷумҳури ғарқ шудаанд. Теъдоди ғарқшудагон дар шаҳри Душанбе ва шаҳру ноҳияҳои тобеъи ҷумҳурӣ дар қиёс ба солҳои қабли афзоиш ёфта, дар вилоятҳои Суғду Хатлон коҳиш ёфтааст. Cоли гузашта барои наҷоти ғарқшудагон дар баҳри Қайроқум, воқеъ дар қисмати шимоли кишвар 9 нафар кормандони КҲФ машқҳои ғаввосӣ намуда, имсол 18 нафар  ба кор сафарбар шудаанд.

Дар соли таҳсили сипаришуда 1060 нафар аз шӯъбаи рӯзона, 943 нафар аз шӯъбаи ғоибона ва дар маҷмӯъ 2003 нафар донишҷӯ Донишгоҳи давлатии Хуҷанди ба номи академик Б. Ғафуровро бомуваффақият хатм намуда, ба соҳаҳои мухталифи хоҷагии халқ роҳхат гирифтанд. Дар фаъолияти ДДХ ба номи академик Б. Ғафуров дар семоҳаи дуюми соли ҷорӣ яке аз масъалаҳои асосӣ ин аттестатсияи давлатии донишҷӯёни соли 5-ум ва ҷамъбасти сессияи тобистона буд. 

Бо шунидани ин ном дили кампир гум зад. ӯ кафгирро як тараф партофта, барои тамошои телевизиони Тоҷикистон ҳозир шуд. ӯ болои мазор акси шавҳараш Файзиддини ҷавонмаргро диду вуҷудашро ҳиссиёти омехтае аз дарду алам ва ёди лаҳзаҳои арусӣ фаро гирифт... Сари гӯри шавҳари ӯ Президенти Тоҷикистон Эмомалӣ Раҳмон хоки аз ватан бурдаашро мепошид. 

Ман намедонам, ҷаноби директори фурудгоҳи Душанбе агар дар хонааш дар ин гармои боло аз сӣ шамолдиҳак надошта бошад, аҳли оилааш шикоят мекарда бошанд ё не. Аммо кормандони фурудгоҳ вақте дар ин гармо беш аз сад мусофирро дар назди кондитсионерҳои бадҳайбати аз кормонда наздики ду-се соат манъ мекарданд, фиғони илтиҷоомези кӯдакон аз ташнагӣ ба фалак дакка мезад.

Вазорати адлияи Тоҷикистон эълон дошт, ки Ёқуб Салимов ба зиндон интиқол дода мешавад. Ин хабар таваҷҷӯҳи бисёриҳоро ба ба худ ҷалб кард, зеро дар тӯли 6 соле, ки ӯ дар Боздоштгоҳи муваққатӣ умр ба сар мебурд, ин масъала борҳо дар ВАО-и Тоҷикистон, махсусан дар «Фараж», мавриди баррасӣ қарор гирифта буд. Саволи ин ки чаро собиқ вазири корҳои дохилии кишвар ба маҳбас интиқол дода намешавад, борҳо аз ҷониби журналистон ба мақомоти дахлдори кишвар дода шуда буд.

Дар саҳнаҳои аввали ин шикори даҳшатнок, ки ба ҳуҷуми кулли аъзои як прайди калони шерон, ки миёнашон танҳо як шерри нари калонсол ҳаст (прайд ё оилаҳои хурду миёнаи шерон аз ӯҳдаи ин кор намебаромадаанд, аз ин рӯ кӯшиш ҳам намекардаанд) оғоз меёбад, чунин ба назар мерасад, ки гурӯҳи шерони мода ҳаргиз галаи филҳоро рахнаву филбачаҳоро аз паҳлӯи ин қавипайкарҳои чашмҳои хурди дилнишиндошта, ки чӣ бо пойҳои пеш ва чӣ бо хартум ба ҳар дарандае зарбаҳои марговар зада метавонанд...